کیا اسلام میں کینگرو کھانا حلال ہے؛ کیوں کہ اس کے بارے میں ہم نے بہت جگہ حلال ہونے کے بارے میں سنا ہے، صحیح بات بتادیں!
’’کینگرو‘‘ حلال جانور ہے ؛ کیوں کہ اس میں ہماری معلومات کی حد تک حرمت کی کوئی دلیل( گوشت خور یا درندہ صفت ہونا، گندگی کھانے والا ہونا ، پلید ہونا)نہیں پائی جاتی۔
ماہرینِ علمِ حیوانات کے مطابق یہ گھاس خور جانور ہے، گوشت خور یا درندہ نہیں ہے، نہ ہی گندگی کھانے والا ہے، اور نہ ہی خبائث میں داخل ہے۔ (ہندیہ: ٥ / ٢٨٩، شامی: ٤ / ٣٠٤) فقط واللہ اعلم
فتوی نمبر : 144105200786
دارالافتاء : جامعہ علوم اسلامیہ علامہ محمد یوسف بنوری ٹاؤن