یہ درودشریف ہے یا نہیں ؟ کہاں سے ثابت ہے ؟"یاداخل الدار صل على النبي المختار"
سوال میں مذکورہ جملہ ’’یاداخل الدار، صلّ على النبي المختار‘‘ درود شریف پڑھنے کا حکم ہے، یہ جملہ خود درود شریف نہیں ہے۔ یہ جواب اس صورت میں ہے جب کہ ’’یا داخل الدار ‘‘ سے کسی مخلوق (انسان وغیرہ) کو مخاطب کرنا مقصود ہو؛ کیوں کہ اس صورت میں اس جملہ کا ترجمہ یہ بنے گا کہ ’’اے وہ شخص جو گھر کے اندر ہے تو نبی مختار (ﷺ) پر درود پڑھ۔‘‘
لیکن اگر ’’داخل الدار‘‘ سے کہنے والے کی مراد کچھ اور ہو تو اس کی وضاحت کرکے سوال کیا جائے، وہ مراد معلوم ہونے پر ہی جواب دیا جاسکتا ہے ۔ فقط واللہ اعلم
فتوی نمبر : 144210201089
دارالافتاء : جامعہ علوم اسلامیہ علامہ محمد یوسف بنوری ٹاؤن